Kryetari i PD, Lulzim Basha në konferencë të jashtëzakonshme: Jam këtu për tu treguar se PD është gati që nesër të bashkojë votat për draftin hibrid të miratuar mbrëmjen në darkë me dy cëshjet e dakorduars me Hahn. Akti politik i nesërm nuk është në emër tonë por në emër të popullit
Në fillim Basha tha : Jam për të ndarë lajmin e mirë. Është rënë dakord që roli i misionit ndërkombëtar do të jetë rekomandues dhe vendimmarrja i mbetet institucioneve kombëtare. Asnjë qytetar shqiptar nuk do të përjashtohetnga konkurimi mbi bazën e opinioneve por vetëm mbi fakte sipas ligjit. Konkludimi i këtyre çështjeve është dhe konkludimi me sukses i betejës së PD-së për draftin.
Kjo betejë e fundit ka pasur dy qëllime të mbrojë kushtetueshmërinë, të drejtat dhe liritë themelore të njeriut. Beteja ia vlejti
Me pare burimet nga PD-në bëjnë të ditur se komisioneri Hahn ka dërguar një letër negociatorëve, ku sipas tyre “i ka dhënë të drejtë PD-së për një prej çështjeve të mbetura pezull”
Po të njëjtat burime konfirmojnë se është arritur një hap pozitiv në negociata dhe pritet që pas pak afrimin drejt konsensusit ta konfirmojë Basha
Mbremjen e djeshme kryeopozitari Lulzim Basha deklaroi se qëndrimi i grupit parlamentar të kësaj partie është unanim dhe koheziv, duke shtuar se Partia Demokratike është pro miratimit të reformës në drejtësi.
