Zëri kritikues brenda PD-së, Astrit Patozi ka përcjellë edhe sot një mesazh për të gjithë votuesit, duke thënë se secili do të korrë atë që ka mbjellë vetë.
Ai ka treguar se dëshira e tij më e madhe është që të votonte pjesa dërrmuese, ndërsa nuk e fsheh se mbështetja e tij vijon të shkojë për PD-në.
“Do të doja shumë që shqiptarët të dilnin në shumicë dërrmuese për të votuar, më fort se herët e tjera, por druaj që kjo s’ka për të ndodhur, pasi ndjej që ka një zhgënjim jo të vogël prej ofertave kryesore. Uroj me gjithë shpirt që të jem i gabuar në këtë pikë.
Natyrisht, nuk mund ta fsheh që vëmendja ime më e madhe është e fokusuar tek Partia Demokratike, si sfidante e pushtetit, por edhe si forca ime politike”, tha Patozi.
