Deputeti i PD-së: Sjellja jonë politike do të ketë një faturë politike dhe këtë nuk e caktojmë ne, por e caktojnë ndërkombëtarët dhe qytetarët
“Ne sot duhet të kemi një përgjigje të qartë e jo t’i dërgojmë një propozim të ri Xhafës”, ka thënë pak më parë deputeti demokrat, Astrit Patozi, në mbledhjen e grupi parlamentar të PD-së. Lajmi u bë i ditur për 27.al, nga burime pranë grupit parlamentar të PD-së. Basha ka sqaruar se ende nuk ka kthyer një përgjigje përfundimtare për propozimin e Nuland. Ai ka sqaruar deputetët se ato çfarë janë shkruar në media janë abuzime. Basha ka theksuar se po punohet për të gjetur një zgjidhje, ndërkohë që ka qartësuar sërish se nuk mund të pranohet rol vendimarrës i ndërkombëatrëve në procesin e Vetingut.
Në përgjigje të tij, deputeti Patozi ka theksuar se sot duhet një përgjigje e qartë e PD-së ose në të kundërt PD do të përballet me një kosto të madhe poolitike qe e vendosin ndërkombëtarët e qytetarët.
“Sjellja jonë politike do të ketë një faturë politike dhe këtë nuk e caktojmë ne, por e caktojnë ndërkombëtarët dhe qytetarët. Meta po fshihet pas nesh, ndërsa ne duhet të kishim qenë të qartë që në fillim”, ka thënë Patozi.
