Në lidhje me sjelljen e ulët të ambsadorit të OSBE-së në Tiranë, Bernd Borchardt ka reaguar edhe pastor Paulin Vilajeti. Ai nuk ka ngurruar që të thotë se shumë të huaj si Borchardt i trajtojnë shqiptarët si majmunë.
Ja shënimi i plotë i klerikut:
Për shkak të besimit që kam nuk i them askujt “Të të vijë turp” por, zoti Ambasador, përse qëndroni ende në vendin tim?
E di që shumë si ju, ne shqiptarëve na quani majmunë e na trajtoni si të tillë, por unë, zoti Ambasador, si një njeri që i shërben Zotit, dua t’iu them të dilni para pasqyrës, të shihni veten dhe t’i bëni një pyetje: Me kë ngjaj pas gjestit të gishtit?
Pasi ju të gjeni se me kë ngjani dua t’iu them vetë një fjali: “Unë e përçmoj gjestin tuaj të neveritshëm!”
