Kur kam ngrënë për herë të parë pasta fresca m’u kujtuan makaronat që hanim në klubin e Rrogozhinës, aty ku ishte ndalesa e këmbimit të autobuzëve. Nuk e di përse atyre makaronat u dilnin shumë të mira me lëng domate a salcë, ndërsa në shtëpi i bënim vetëm me gjalë dhe djathtë të bardhë përsipër.
Kur mësuam sekretin e lëngut të domateve ia kërkova me ngulm nanës dhe ajo e gjeti shpikjen. I bëri me gjalpë, i hodhi djathtë bardhë e në fund fare ia plasi salcë koncetrat nga tubeti. Tmerr! LHL (lëndë helmuese luftarake)!
Të mendosh që tani e kam humbur fillin sa receta makaronash njoh, ndaj ja ku po ju bëj të njohur këtë pjatë të mëposhtme.
* Tani që temperaturat ngrihen Pasta fresca (makarona të ftohta) është një pjatë shumë e këndshme, plot me ngjyra, e shijshme dhe e lehtë jo vetëm për t’u tretur, por edhe për t’u përgatitur.
Porcion për katër vetë
Përbërësit:
Domate qershi (250 gramë)
Hudhër (tre thelpinj) ose një hudhër e njomë
Borzilok (dy tufa të vogla ose pesë gjethe të mëdha)
Kripë
Djathtë parmigiano (150 gramë)
Djathtë mozzarella (200 gramë)
Vaj ulliri (katër lugë gjelle)
Piper i zi
Për më shumë në: http://wip.newmedia.al/rozmarine/pasta-fresca-makarona-te-ftohta/
