Bashkimi Europian i ka ofruar Shqipërisë një shumë prej 90 milionë eurosh ndihmë për ekonominë.
Komisioni Europian i ka akorduar vendit tonë këtë fond, për ta mbështetur ekonominë shqiptare për të zbutur pasojat e pandemisë së koronavirusit.
Shqipëria është i teti vendi që merr një disbursim nga paketa emergjente e MFA-së prej 3 miliardë eurosh për dhjetë vende partnere të zgjerimit dhe fqinjësisë, që synon t’i ndihmojë ato të kufizojnë pasojat ekonomike të pandemisë së koronavirusit.
Kjo disbursim do të kontribuojë në zbutjen e pasojave të rënda sociale dhe ekonomike të pandemisë së koronavirusit në Shqipëri. Transaksioni i sotëm pason miratimin e një Memorandumi të Mirëkuptimit me Shqipërinë, i cili përcakton kushtet e politikës që duhet të plotësohen për disbursimin e këstit të dytë prej 90 milion €.
Këto kushte të politikave lidhen veçanërisht me përmirësimin e qeverisjes ose rritjen e mbrojtjes sociale. Përmes kësaj ndihme, BE-ja shpreh solidaritetin e saj në krah të Shqipërisë dhe qytetarëve të saj në këto kohë të vështira.
