Paskuqan/ Aksidentoi rëndë të miturin tek dera e shtëpisë, polici lihet i lirë pas dëshmisë që dha

Tre ditë më parë në Paskuqan, një ngjarje e rëndë ka ndodhur por është mbajtur e fshehtë.
Një punonjës policie teksa po ecte me shpejtësi me makinë ka aksidentuar një 8-vjeçar para derës së shtëpisë së tij në Paskuqan.
Oficeri i policisë me iniciale T.GJ është shoqëruar ditën e sotme në komisariat, pasi aksdentoi 8-vjeçarin K.B, i cili aktualisht po lufton me vdekjen në spitalin Ushtarak të Tiranës.
Ngjarja e rëndë ka ndodhur tre ditë më parë, dhe u bë publike vetëm pas denoncimit në mediat online nga qytetarët.
Mësohet se fëmija ka qënë te dera e shtëpisë së tij kur ka kaluar polici me makinë me shpejtësi skëterrë dhe e ka marrë përpara. Më pas ka qenë vetë polici ai i cili e ka dërguar në spital 8-vjeçarin.