BSH: me rënia kredia konsumatore dhe ajo për blerje banese
Në periudhën tremujore, janar-mars 2016, për herë të parë kërkesa e individëve për kredi ka rënë në nivele negative. Sipas të dhënave më të fundit të Bankës së Shqipërisë rënia është verëjtur si në kredinë konsumatore ashtu edhe në atë për blerje banese. Sipas të dhënave nga Banka e Shqipërisë kërkesa e individëve për kredi banese shënoi rënie me 13.6 për qind në janar –mars 2016, ndërsa kërkesa për kredi konsumatore ka rënë me 9.6 për qind në të njëjtën periudhë. Në vitin e kaluar këto dy tregues kanë patur rritje dyshifrore. Banka e Shqipërisë analizon se rënia e kërkesës së individëve për kredi, në tremujorin e parë të vitit 2016, është nxitur kryesisht nga zhvillimet në tregun e pasurive të paluajtshme. Situata e kërkesës për kredi nga individët pason rënien e kreditimit edhe për bizneset. Sipas ekspertëve situatën pesimiste e shkakton prodhimi nën kapacitete dhe klima e lartë e pasigurisë në zhvillimet ekonomike.
