Pas përjashtimit të Arben Ahmetaj, ish ministri Blendi Klosi ka marrë rolin e drejtuesit politik në qarkun Vlorë. Ahmetaj nuk ka qenë prezent, ndërsa për ta prezantuar para vlonjatëve e ka shoqëruar Damian Gjiknuri.
Për mediat, Gjiknuri dhe Klosi kanë thënë se ky pozicion është me rëndësi. I pyetur për Ahmetajn, Gjiknuri ka thënë se ky është reformim, ku dikush ka punuar mirë dhe dikush tjetër jo.
“Në emër të fushatës po marrim rolet tona”, tha Gjiknuri.
Klosi u pyet për mungesën e kryetari të Bashkisë sërish në këtë mbledhje, ndërsa theksoi se Partia Socialiste do bashkojë socialistët dhe do shikojë punën për kryetarët e bashkive.
“Do bashkojmë popullin. Do shikojmë performancën në të 61 bashkitë”, tha Klosi.
