Policia e Shtetit ka shtuar masat e sigurisë për festën e Pashkëve me qëllim parandalimin e ngjarjave me karakter terrorist.
Masat janë marrë për ruajtjen e rendit dhe sigurisë në objektet fetare dhe mjediset ku do të ketë organizime festive. Policia bën me dije se do të shtohen patrullimet e Policisë Rrugore në akset nacionale dhe akset kryesore rurale.
Gjithashtu në porte, aeroport dhe në pikat e kalimit kufitar, janë shtuar sportelet me qëllim krijimin e lehtësirave ligjore për të gjithë shtetasit vendas e të huaj që do të hyjnë apo dalin nëpërmjet pikave të kalimit porteve dhe aeroportit duke shmangur vonesat dhe radhët e gjata.
