“Lufta e trëndafilave” mes Loredanës dhe Mozzik vazhdon ende. Ata janë një nga çiftet më të përfolur për ndarjet dhe ribashkimet e shumta mes tyre, por këtë herë nuk kemi të bëjmë me një ribashkim.
Mozzik ka paralajmëruar se do sjellë një këngë të re me titull “Bespreme”. Nuk e dimë nëse është frymëzuar nga Cllevio por në videon e publikuar nga ai në rrjetin social TikTok, në tekstin e këngës thuhet: “A thu të ka marrë malli ty njësoj për mua?/A thu mujm na dy me u përmirësu/As vet s’e di për ça jena idhnu/Kurrë s’u nala tu insistu”.
Fansat menjëherë e kanë lidhur me Loredanën duke i bërë tag apo edhe ironizuar në sektorin e komenteve.
Kujtojmë se kënga e parë e albumit të tyre të përbashkët me titull “No rich parents” ishte ajo me titull “Rosenkrieg”. Titulli shpjegon edhe gjithë historinë e tyre që përfundoi në ndarjet e përfolura.
“Gjithçka ndodhi thjesht sepse ishim të dashuruar. Tani jetojmë me luftën tonë të trëndafilave, Mijëra ndjenja u bënë politikë.”
Videoklipi e gjen çiftin mes lotësh dhe debatesh, zënkash të shumta, derisa largohen nga njëri-tjetri. “Gjithmonë shumë stres, Vetëm u përkeqësua dhe unë ika Ende mund ta kujtoj dashurinë.” Loredana ndër të tjera shprehet se njerëzit mendonin se ishte faji i saj, “por të dy e dimë që ka dy pjesë”. “Vetëm ne të dy e dimë të vërtetën.”
Nga ana tjetër, ishte vetë Mozzik ai që ndezi sërish diskutimet për tekstin e këngës, “Lakmitare”, duke ngjallur dyshime se i dedikohet pikërisht Loredanës. Gjatë një koncertit, Mozzik po këndonte: “Lakmitare, ke mendu që dashnia është veç pare”. Ai ndaloi një moment dhe zbuloi se në fakt është e vërtetë që kënga i është dedikuar ish-partneres së tij, por pa përmendur emra se për cilën bëhet fjalë. “Kam pasur një femër njëherë që lakmonte shumë. Lakmonte kaq shumë saqë bëra një këngë me emrin Lakmitare.”
Edhe në projektin me titull “A po rrin” që i ngjajnë më shumë një poezie, Mozzik flet se si u njoh me të dhe se si iu duk njeriu më i mirë që i fali parajsën.
Megjithatë, përtej dashurisë ai thotë se janë të dy shumë kokëfortë dhe për këtë arsye nuk mund të jenë bashkë. E po ashtu tregon se ka vuajtur shumë ndarjen. Por, së fundmi reperi e la sërish të hapur një mundësi për rikthim pasi thotë se kanë vajzën në mes.
