Një tjetër zjarr ka rënë në Portin e Bejrutit në Liban, pas tragjedisë në këtë vend, ku pati shpërthim më herët.
Zjarri shpërtheu në zonën e lirë të portit, ku gomat dhe vajrat ruheshin nga një kompani importuese, tha drejtori i ngarkuar i portit, Bassem al-Kaissi një stacioni televiziv lokal.
Zjarri “filloi në kanaçe vaji përpara se të përhapet në goma”, shtoi ai, pa qenë në gjendje të përcaktojë origjinën. “Zjarri mund të ketë ndodhur për shkak të një gabimi apo nxehtësisë”, tha z. Kaissi.
Incidenti i së enjtes u kujtoi libanezëve ditën fatale të 4 gushtit, kur shpërtheu një sasi e madhe e nitratit të amonit të ruajtur në një depo në port. Tragjedia, tepër e madhe për libanezët e vendosur e gjunjëzuar nga një krizë e rëndë ekonomike, ka lënë të paktën 190 të vdekur dhe më shumë se 6 500 të plagosur, duke shkatërruar të gjithë rrethinat e Beirutit.
