Ministri i Brendshëm, Dritan Demiraj zhvilloi sot një takim me Prokurorin e Përgjithshëm, Adriatik Llalla.
Takimi u zhvillua në ambientet e prokurorisë dhe zgjati rreth 30 minuta.
Një ditë më parë ministri Demiraj zhvilloi një takim me Drejtuesit e Policisë së Shtetit. Në takim ai prezantoi tre prioritetet kryesore të mandatit të tij si dhe paralajmëroi masa ndëshkuese për ata që i shkelin ato. Një nga prioritetet kryesore Demiraj renditi të parë garantimin e një procesi zgjedhor me standarde të larta profesionale nga ana e Policisë së Shtetit.
