Një ditë pasi një person i armatosur vrau 17 veta në një shkollë të mesme në Florida, presidenti i Shteteve të Bashkuara, Donald Trump, bëri thirrje për paqe.
Trump tha se administrata e tij do të punojë për të përmirësuar sigurinë në shkolla dhe për të adresuar sëmundjet mendore.
Gjithashtu Presidenti i SHBA u bërë thirrje fëmijëve që ndihen të frikësuar ose të vetëm, t’iu afrohen të të rriturve që u besojnë dhe t’iu kërkojnë ndihmë.
“Ju keni njerëz që brengosen për ju, që ju duan dhe që do të bëjnë gjithçka për t’ju mbrojtur. Ne gjithashtu duhet të krijojmë një kulturë në vendin tonë, e cila përqafon dinjitetin e jetës, e cila krijon lidhje të thella dhe kuptimplota njerëzore”, tha Trump.
