Ndërsa Gjermania do të shtojë në listën e vendeve të sigurta Algjerinë, Marokun dhe Tunizinë
Finlanda ka vendosur të dëbojë rreth 20.000 emigrantë nga 32.000 gjithsej të cilët kanë kërkuar azil gjatë 2015 në këtë shtet. Ministria e Brendëshme e Finlandës bëri të ditur këtë vendim duke sqaruar se do të refuzojë gati dy të tretat e kërkesave për azil, të bëra në vitin 2015. Dy ditë më parë, Suedia lajmëroi se do të dëbojë mbi 80 mijë azilkërkues.
Ndërsa në kuadër të reduktimit të numrit të emigrantëve, shpallur si objektiv nga kabineti i Merkel, Gjermania do të shtojë në listën e vendeve të sigurta Algjerinë, Marokun dhe Tunizinë.
Për të ndaluar hyrjen klandestine të emigrantëve në finlandë përmes rajonit të Arktikut, autoritetet finlandeze po negociojnë me Rusinë fqinje.
