Shqipëria ka hapur luftë me Rusinë. Tirana zyrtare ka përzënë një diplomat, se shkeli masat anti-COVID. Diplomati ishte kaq i paturp sa i shkeli masat e komitetsave dhe ekspertsave duke mos marrë pjesë në një mbledhje partie të Rilindjes. Nuk u bë ai t’i shkelë rregullat e vendosura nga Mira Rakacolli!
Reagimi i Kremlinit mësohet se është pritur keq nga udhëheqësi, të cilit i janë ngritur nervat dhe ka thirrur në një takim urgjent ministrin e Mbrojtjes Niko Peleshi dhe e ka emëruar ministër i Sulmit.
Me parë, njerëz të përmasës politike dhe historike si Edi Rama dështuan në sukeset e tyre perandorake, sepse guxuan të nisin pushtimin e Rusisë. Fjala vjen, në dimrin rus u thye Napoleon Bonaparti.
Por, ja që ka ardhur dita që fundi i Rusisë të ndodhë me të vërtetë, sepse strategu botëror, lideri global, kryerilindasi do e pushtojë Rusinë, kur të shkrijë dëbora, ndërsa do t’u japë ushtarëve për të pirë vitamina nga hunda.
Është e qartë që rrugës për Rusi do të pushtohen të gjitha vendet nga kalon Ushtria Mavi.
