Pas protestës ku banorët e Menglit, së bashku me fëmijët e tyre bllokuan aksin nacional Elbasan-Librazhd për më tepër se 6 orë, duke paralizuar trafikun, ka filluar rikonstruksioni i shkollës 9-vjeçare të këtij fshati.
Kanë nisur punimet me një afat prej dy javësh, ndërsa menjëherë pas nisjes së tyre, banorët vendosën të çojnë fëmijët në shkollat e qytetit ku do të zhvillojnë procesin mësimor për dy javë.
Ata gjykojnë t’i lënë edhe një javë më tepër afat dhe në rast të kundërt, pra në rast se shkolla nuk hapet për tre javë, banorët e Menglit në Elbasan do të rikthehen të protestojnë sërish.
