Këngëtari i njohur Blero Muharremi dhe modelja Afrona Dika kanë qenë në qendër të mediave këto ditë pasi u zbulua se i kanë dhënë fund martesës me njëri-tjetrin.
Mirëpo, përpos kësaj këngëtari vijon i pa shqetësuar për këto lajme pasi përmes një postimi që ai ka bërë në rrjetin e tij social Instagram, ka paralajmëruar gjëra të mëdha sa i përket muzikës.
“Edhe pak merr fund pritja. Gjëra të mëdha po vijnë.”
Kujtojmë se dyshja nuk ka reaguar rreth lajmeve të ndarjes por kanë fshirë të gjitha fotot që kanë publikuar më herët me njëri-tjetrin në rrjete sociale. Pak kohë më parë, Afrona vendosi të merrej me biznes, ku hapi edhe një qendër estetike në Zvicër, ku edhe jeton prej kohësh. Ajo që ra në sy në inaugurimin e kësaj klinike, ishte pikërisht mungesa e këngëtarit. Krisja mes të dyve në atë periudhë kishte nisur, duke mos pasur shumë komunikim me njëri-tjetrin. Teksa bashkëshortja e tij angazhohej me biznesin e ri, Blero vijonte me karrierën e tij në muzikë, duke zgjedhur të qëndrojë larg realitetit të ri të bashkëshortes së tij.
Nga ana tjetër, grindjet e tyre të shpeshta, shkak edhe largësia, kanë sjellë edhe ndarjen e tyre. Nuk dihet nëse kjo ndarje është një sherr mes të dyve, apo do të vijojnë edhe me hapat ligjorë për zgjidhjen e martesës. Blero dhe Afrona u martuan në shtator të 2019-ës, në një ceremoni madhështore në Lezhë. Mirëpo edhe pas martesës ata vijuan të jetonin të ndarë, Blero në Kosovë dhe Afrona në Zvicër.
