Kreu i PD-së Lulzim Basha në përfundim të mbledhjes së Këshillit Kombëtar të PD-së ka mbajtur një deklaratë për shtyp.
Basha shprehet se largimi i Ramës është kusht i parë dhe i vetëm që palët politike të futen në dialog.
Ai gjithashtu shton se pa u garantuar zgjedhje të lira dhe të ndershme, PD nuk futet në zgjedhjet lokale të 30 qershorit.
“Jemi i vetmi vend në botë ku 500 mijë shqiptarë janë larguar si pasojë e një regjimi të ardhur në pushtet me krimin e organizuar. Këshilli Kombëtar sot ka sanksionuar hapat për betejën tonë politike: të çrrënjosim krimin dhe korrupsionin, të çlirojmë ekonominë nga oligarkët që pamundësojnë zhvillimin ekonomik. Duke iu rikthyer shqiptarëve shpresën duke rikthyer votën e lirë dhe të ndershme. PD do të futet në zgjedhje vetëm kur të garantohen kushtet për zgjedhje të lira dhe të ndershme”, u shpreh Basha
https://www.facebook.com/lulzimbasha.al/videos/2273871902871451/
