Që pas daljes nga shtëpia e “Big Brother VIP” Filloreta Raçi, e njohur me emrin artistik Fifi, ka qenë kryefjalë e mediave për shkak të lidhjes së saj me Adis Patushin.
Që para se të bëhet pjesë e shtëpisë më të famshme, të gjithë e kujtojmë historinë e dashurisë së Fifit. Këngëtarja fliste për një marrëdhënie të përfunduar brenda pak kohësh, por dukej se djali në fjalë i kishte rrëmbyer zemrën.
Madje aq e fortë ishte kjo lidhje, sa Fifi i kishte dedikuar edhe një tatuazh.
“Stracciatella”, lexonte tatuazhi i saj, çfarë si ajo vetë shprehej ishte një dedikim për djalin që dashuronte. Por me lidhjen e re me Adisin, gjërat kanë ndryshuar dhe nuk flasim këtu vetëm për ndjenjat e saj.
Ashtu si shihet në rrjetet sociale, ajo tashmë ka larguar edhe kujtimin e fundit që kishte nga ai raport. Bëhet fjalë për Xhuljo Tabakun, që tashmë ka nisur një jetë të re sentimentale.
Edhe Fifi ka gjetur përsëri dashurinë, këtë herë në krahët e Adisit. Kështu tatuazhi tashmë është zëvendësuar me një lule të kuqe, duke humbur gjurmët e dedikimit të ëmbël që ishte më herët. Duket se kanë qenë fansat ata që e kanë vënë re këtë detaj. Menjëherë në profilin e artistes kosovare kanë vërshuar komentet rreth këtij fakti, duke i thënë se shumë shpejt e harroi dashurinë e saj të madhe.
Së fundmi, mesa duket Fifi ka zgjedhur të mos e komentojë këtë situatë.
