Pas Elbasanit forcat speciale zbarkojnë në Vlorë, nisin kontrollet e shumta

Forca të shumta speciale nga Tirana dhe qarqe të tjera me në krye RENEA kanë nisur mbrëmë vonë kontrolle të shumta në Vlorë.
Ende nuk ka detaje, por deri më tani dihet se një nga pikat e kontrollit ka qenë Lapardhaja.
Gjithashtu raportohet se është sekuestruar një sasi e konsiderueshme kanabisi, por ende nuk ka të dhëna për persona të arrestuar.
Për gjatë gjithë natës deri në orët e para të mëngjesit të sotëm, policia ka ushtruar kontrolle të rrepta edhe në kërkim të personave të rrezikshëm. Operacioni ka vijuar edhe në orët e para të paradites të së shtunës dhe në përfundim të tij, pritet një bilanc dhe njoftim zyrtar nga Drejtoria e Përgjithshme e Policisë.