Gjatë një fjalimi drejtuar kombit përmes televizionit Mbretëresha Elizabeth II tha: “Sfida e luftës ndaj koronavirusit është e ndryshme nga vështirësitë e tjera, me të cilat jemi përballur më parë. Këtë herë ne bashkohemi në një përpjekje të përbashkët me të gjitha kombet në të gjithë globin, duke përdorur përparimet e mëdha të shkencës dhe dhembshurinë tonë instiktive për të shëruar.
Ne do të kemi sukses dhe suksesi do t’i takojë secilit prej nesh”.
Ajo tha se ky adresim i kujtonte asaj transmetimin e saj të parë, të bërë gjatë Luftës së Dytë Botërore me motrën e saj, Princeshën Margaret.
