Tre ditë pas formimit të Komitetit Organizator të Partisë së Lirisë, sot do të zhvillohet mbledhja e parë zyrtare në seli.
Mbledhja do të zhvillohet në orën 11:00 në seli, ku fokusi kryesor i diskutimeve do të jetë marrja e masave për organizimin e revolucionit antikorrupsion.
“Sot, në ora 11:00, në selinë e Partisë së Lirisë mblidhet Komiteti Organizator. Qëllimi kryesor do të jetë marrja e masave për organizimin e Revolucionit Antikorrupsion”, njoftoi Blushi.
Komiteti Organizator i Partisë së Lirisë, është një strukturë drejtuese e përkohshme derisa të zgjidhen drejtuesit e rinj të kësaj force politike. Kjo strukturë u ngrit gjatë konventës së LSI-së, ku dha dorëheqjen dhe Monika Kryemadhi. Kryetar i komitetit Organizator është Ilir Meta
