Kryetari i KQZ-së Ilirjan Celibashi, ka reaguar në lidhje me procesin e rinumërimit dhe parregullsive gjatë zgjedhjeve.
Me anë të një postimi në rrjetet sociale, Celibashi shkruan se pamjet filmike janë kërkuar nga policia, ndërsa shton se në KQZ kanë arritur 10 kërkesa për informacion nga SPAK dhe dy vendime për sekuestrime të materialeve.
“Në KQZ kanë mbërritur 10 kërkesa për informacion nga ana e SPAK. Po ashtu, në Komisionin Qendror të Zgjedhjeve kanë arritur edhe dy vendime për sekuestrimin e materialeve zgjedhore. Pamjet filmike të numërimit janë kërkuar nga ana e policisë. KQZ do të referojë çdo rast të dyshimtë në Prokurori”, shkruan Celibashi.
