Sipas statistikave të vitit të shkuar, policia bashkiake e Erion Veliajt rezulton me numrin më të lartë të gjobave të vendosura tek qytetarët. Më së shumti janë për parkim të gabuar. Mirëpo, siç është publikuar disa herë, policët bashkiakë i shkelin edhe vetë rregullat.
Së fundmi një qytetar ka ironizuar parkimin e gabuar të makinës së policisë bashkiake duke i paguar vendin e parkimit në vendparkimet që janë me pagesë.
“Tja bojm i pages këtyre se mos marrin ndonjë gjobë, gjynah!”
Sistemi i pagesës së parkimit nuk e ka marrë parasysh që makina është e policisë bashkiake dhe ia ka marrë kreditin qytetarit.
Pyetja që ngremë të gjithë është se nëse aty pranë do kalonin policët bashkiakë dhe qytetari nuk do ia paguante policëve vendin e parkimit, a do të gjobisnin kolegët?
