Me një fitore 9-0 ndaj Troje, ku katër nga golat u shënuar nga Ibrahimoviç, Paris SG e përfundon kampionatin, duke u shpallur kampion tetë javë përpara përfundimit të tij. Skuadra e Blank ndodhet tashmë e shkëputur 25 pikë nga Monako e vendit të dytë, kur në lojë kanë mbetur edhe 24 pikë. “Quajeni si të doni këtë kampionat – thotë trajneri i parizienëve, por kundërshtarët tanë nuk e mbajtën dot ritmin tonë, ndoshta edhe ngaqë ne ishim thjeshtë të shkëlqyer”. Paris SG po kalon një periudhë të jashtëzakonshme, ku vazhdon rrugën në Champions pasi ka eleminuar Çelsin, ndërsa në 30 ndeshje të luajtura deri tani në Ligue 1 ka pësuar vetëm një humbje dhe ka barazuar pesë herë.
