Atentati i sotëm ndaj Ardjan Çapjas ka risjellë në vëmendje përplasjet mes grupeve në Elbasan, gjë e cila ka shkaktuar një numër të madh viktimash që prej vitit 2005.
Në nëntor të vitit të shkuar Artan Hoxha paralajmëroi vijimin e përplasjes mes grupeve rivale në këtë qytet, pasi u lirua nga burgu Florenc Çapja dhe u rrëzua çështja ndaj Suel Çelës.
Në atë kohë, Hoxha shkruante se duke filluar nga tani (nëntor 2019), ekspertët e mjekësisë ligjore duhet të jenë gati për çdo kufomë të lënë pas nga atentatet në Elbasan.
Çfarë shkruante Artan Hoxha:
Elbasan i bukur, Elbaaaasaaan..
Presidenti takon ish-presidentët gjoja në mbrojtje të kushtetutës dhe reformës në drejtësi, ndërsa ia kanë pluguar nënën kushtetutës sa herë u ka dashur qejfi dhe po mundohen tia lërojnë nënën edhe reformës në drejtësi nëse SHBA e lë në mes projektin e saj, …
Nga ana tjetër kryeministri pret e përcjell ambasadorët po gjoja në mbrojtje të kushtetutës dhe reformës në drejtësi, duke na treguar se ndërkombetarët janë me të..
Pas Suel Çelës, gjykata liron edhe Florenc Çapjan: Bien akuzat për tentativë vrasje dhe pengmarrje
Meta cirret e bërtet te holli presidencës se Rama ka kapur reformën në drejtësi, ndërsa Berisha nga gardhi presidencës thotë me sokëllimë se “reforma ka falimentuar”.
Vetëm 100 metra më poshtë, nga holli i kryeministrisë Rama shan e akuzon Metën se po shkel kushtetutën, po pengon reformën në drejtesi dhe e kërcënon me shkarkim.
Vetëm 30 metra përballë, nga seli e kryesisë së kuvendit Taulant Balla ulëret se nuk duhet humbur asnjë minutë pa shkarkuar Metën…
Pastaj të gjithë së bashku kërcënojnë gjyqtarët, prokurorët, KLP-në, KPK-në, KED-në e dreqin me të bir…
Populli nuk thotë kot se “ujku mjegull do”, dhe organizata e “Kap c’a t’kapësh”(KCK) nuk e la rastin ti shpëtoje nga dora.
Mediat raportuan me zhurmë se gjykata e Elbasanit dënoi me 10 vite burg, Shkëlzen Hasanpapen, i ekstraduar nga Hollanda dhe i akuzuar për atentatin e 6 qershorit 2016 kur u plagosën te dera e Drejtorisë së Policisë Elbasan, Bledar Muca dhe një oficere policie kalimtare e rastit, ndërsa Florenc Capja shpëtoi pa pasoja nga ky atentat.
Një orë më vonë mediat njoftuan po me zhurmë se Gjykata e Krimeve të Rënda në Tiranë shpalli të pafajshem Suel Celën, dënoi me 5 vite burg Klement Xhaferrin dhe me 6 vite burg Enea Bekteshin, për ngjarjen e 15 shtatorit 2017 gjatë tentativës së policisë lokale për të kryer një kontroll në një automjet të blinduar tip Audi…
Por në fakt, nisur nga kronologjia kohore, ngjarja e parë sot, ishte vendimi i gjykatës së shkallës së parë Elbasan, e cila në seancën paraprake e rrëzoi kërkesën e prokurorisë për të çuar në gjykim dosjen e një personazhi mjaft të njohur në këtë qytet, Florenc Capja.
Ky i fundit akuzohej për atentatin ndaj ish-shefit të qarkullimit Elbasan, Fadil Mema në vitin 2006. Mema i mbijetoi atij atentati duke marrë plagë të rënda dhe u largua nëë Itali ku të njëjtët autorë e gjetën sërish dhe e egzekutuan në Torino në vitin 2015.
Por para se ta vrisnin ish- shefin e policisë, vrasësit kishin provuar dhe në vitin 2009 po në Itali për ta hequr qafe, ndërsa i ekzekutuan dhe kunatin Ardian Ibrahimi para dyqanit të tij.
Florenc Capja është arrestuar 3 herë për këtë ngjarje dhe 3 hërë i ka shpëtuar drejtësisë për atentatin e një oficeri policie të kryer para familjarëve të tij. Capja u kap me bujë nga forcat RENEA më 14 qershor 2019 gjatë operacionit “Krasta” por nga sot gjykata e Elbasanit e ktheu sërish të lirë në rrugët e këtij qyteti.
Për më tepër asnjë media ne Elbasan nuk guxoi ti afrohej gjykatës gjatë seancës së sotme, madje as ta jepte lajmin e lirimit të tij për orë të tera. Lajmi u publikua vetëm pasi mediat në kryeqytet kishin publikuar vendimin e pafajsisë të Suel Celës.
Ndërsa për atentatorin e Florenc Capjas, Shkelzen Hasanpapa u dhanë 10 vite burg, për kundërshtarin e tij, Suel Cela gjykata e krimeve të renda në Tiranë vendosi pafajësi, për vet Florenc Capjan gjykata e Elbasanit as pranoi ta merrte në gjykim çështjen. Pra e cilësoi kohë të humbur të merrej me ekzekutorin e një oficeri policie.
Dëgjoni o popull, mos u hutoni nga zhurma e “mbrojtësve” të kushtetutës dhe reformës në drejtësi, por qëndroni vigjilent, shikoni nga shkoni dhe ku shkelni që të mos mbeteni papritur viktima me tru të derdhur në ndonjë cep rruge, nga vrasës të panjohur që po qërojnë hesapet me njeri-tjetrin…
Pra qysh nga sot, ekspertët e mjekësisë ligjore duhet të jenë gati për çdo kufomë të lënë pas nga atentatet në Elbasan.
Shërbimi zjarrefikës i këtij qyteti duhet të jetë gati për të shkuar sa më parë të shuaj zjarrin që do jetë duke djegur mjetin dhe armët e atentatorëve pas krimit.
Qytetarët e pafajshem të Elbasanit duhet ti luten zotit të mos ndodhen rastësisht në rrëzen e breshërive të vrasësve që e mbajnë prej 2 dekadash të terrorizur këtë qytet.
Ndërsa “baballarët e kombit”, “i gjati”, “i shkurtri”, “doktori”, “piktori”, “artisti”, “doktoresha”, do jenë duke “mbrojtur” kushtetutën e një shteti të shpartalluar fund e krye.
Prandaj vrasës profesionistë, me pagesë apo me klering, nëse e keni ndarë mendjen ta vendosni vet drejtësinë me tytën e kallashnikovit, sepse në këtë shtet të diskredituar nuk ka kush tua vendos tjetër, dilni këtej nga Bulevardi “Dëshmorët e Kombit”, mbase ishallah breshëritë tuaja u fërshëllejnë afër veshit “baballarëve të kombit”, që ta kuptojnë këta fundërrina se çfarë është shkelja e kushtetutes dhe kapja e reformës në drejtësi…
