Pas dy humbjeve në dy miqësore, trajneri i Kombëtares shqiptare, Kristian Panuçi, ka qenë i ftuar në turneun “Costa Brava”, ku ishin pjesëmarrës shumë legjenda të sportit.
Mes shumë legjendave, Panuçi binte në sy mes Gabriel Batisutës, Patrik Klaivert, Endi Kole dhe Pep Guardiola. Në një intervistë për mediat gjatë këtij turneu, Panuçi foli edhe për ish-ekipin e tij, Realin e Madridit, ku i sugjeronte presidentit Perez të merrte Alegrin si trajner, apo emra si Poçetino dhe Klop.
Ndër të tjera, kur u pyet se çfarë do të bënte nëse Florentino Perez do e telefononte për të drejtuar Realin, Panuçi u përgjigj me shaka: “Do ishte ëndërr të drejtoja Realin, por të jemi me këmbë në tokë, kjo është një ëndërr.”
