Me Mihajloviç arrin në 16 numri i trajnerëve të shkarkuar, ndërsa rekordin e mban presidenti Zamparini i Palermos, i cili deri tani e ka ndërruar 7 herë trajnerin
Largimi i Mihajloviç nga drejtimi teknik i Milanit dhe zëvendësimi i tij nga Cristian Broki është i 16-i ndërrim trajnerësh në këtë sezon të Serisë A. Protagoniste absolute mbetet Palermo e presidentit Mauricio Zamparini, që deri tani është stërvitur nga Iakini, Sheloto, Viviani, Tedesko, Bosi, Balardini dhe Novelino. Shkarkimi i parë është bërë më 28 shtator 2015, kur Karpi shkarkoi Kastorin, pikërisht teknikun e arritjes historike, ngjitjes së Karpit në A. Ndërsa pak më shumë se një muaj më vonë, debutuesit i thirrën mendjeës, duke larguar sërish Saninon dhe rikthyer Kastorin. Më 28 tetor, Delio Rosi la pankinën e Bolonjës, për t’u zëvendësuar nga Roberto Donadoni, ndërsa më pas Zenga i Samp ia lë vendin Vinçenso Montelës. Më 30 nëntor është Verona që divorcohet nga Mandorlini, për ta zëvendësuar me Del Nerin. Në 13 janar, Roma ndërpret marrdhëniet me Rudi Garsian, për të rikthyer Luçiano Spaletin. Dy muaj më vonë, Kolantonuo e humbi punën tek Udineze, ndërkohë që drejtuesit e klubit ia bësuan stolin De Kanios. Në 3 prill, Lacio ndërron Piolin me Simone Inzagin, ndërsa sot Berluskoni i telefonin Muhajloviçit, për t’i thënë që të mos duket më nga “Milanelo”.
