Pandemia Covid-19 është drejt fundit pasi situata epidemiologjike u përmirësua ndjeshëm gjatë dy muajve të fundit. Si rezultat, shumë shtete në Europë të lehtësojnë masat kufizuese të pandemisë që ishin në fuqi për thuajse dy vite. Një ndër masat e para që është marrë ishte e heqja e karantinës, e cila u pasua me më shumë liri për të lëvizur dhe ulje të kujdesit përsa i përket mbajtjes së maskës, vizitave nëpër muze, teatro, kinema.
Disa javë më parë, Gjermania, që gjatë pandemisë zbatoi rregullat më strikte, njoftoi heqjen e plotë të këtyre kufizimeve.Detyrimi për mbajtjen e maskave është vetëm në vende si spitalet, shtëpitë e kujdesit dhe të moshuarve, në automjetet e transportit publik, në trena dhe avionë. Në vendet përveç këtyre përdorimi i maskës është hequr.
Pas dy vitesh bashkëjetesë me pandeminë, Franca hoqi pjesën më të madhe të kufizimeve, përfshirë Green Pass dhe mbajtjen e maskave në ambiente të jashtme. Të njëjtën gjë kanë bërë edhe shtete të tjera si Britania, vendet skandinave, Holanda, Italia fqinje.
Po ashtu edhe vendet e rajonit kanë njoftuar lehtësimin e kufizimeve. Kosova prej javësh ka hequr orën policore gjatë natës, ndërsa Maqedonia e Veriut hoqi përdorimin e maskave në ambiente të hapura.
Ndërkohë që ndodh kjo në Europë dhe vendet më të përparuara janë hapur, Shqipëria po ecën në drejtim të kundërt. Komiteti teknik i ekspertëve në mars njoftoi heqjen e disa kufizimeve si ora policore dhe maska në ambiente të hapura, por kjo nuk mjafton.
Ndërkohë, për të gjithë qytetarët që hyjnë në Shqipëri, kërkohet paraqitja e pasaportës së vaksinimit ose e testit PCR negativ. Kjo masë është ende në fuqi, ndërkohë që kanë mbetur pak ditë nga hapja zyrtare e sezonit turistik, ku pritet vërshimi i vizitorëve, tashmë sipas rregullave të Komitetit të Ekspertëve duhet të vallëzojnë darkave nëpër pub-e pa muzikë, pas orës 23:00.
Gjithçka ndodh në një kohë kur në vend nuk numërohen më shumë se 30-40 të prekur në ditë, ndërsa ka kohë që nuk raportohet për të shtruar në spitale apo fatalitete.
