Ish deputetja e PD, Orjola Pampuri ka akuzuar kryeministrin Edi Rama se po përdor çdo mekanizëm për ta vënë në shërbim të propagandës për fushatë, përfshir këtu edhe show-n me vaksinën.
Përmes një postimi në Facebook, Pampuri shkruan se “Nga ana tjetër, bën show me stadiumin dhe logon “Shqipëria buzëqesh”, besoj nuk keni parë e dëgjuar të thuhet Franca buzëqesh, Italia buzëqesh, apo Gjermania buzëqesh. Në fakt ata vaksinojnë, kanë siguruar vaksinat, zinxhirin ftohës dhe të gjithë mekanizmat për të vaksinuar popullatën. Por mesa duket i vetmi që qesh, është ky që nuk bën asgjë, përveçse tallet, dhe mundohet tu hedhë hi syve shqiptarëve me propagandë e mashtrime. “
Postimi i plotë
Edi Rama është një dështim, dhe këtë nuk mund ta mbulojë më as propaganda e as aktrimi i tij i shëmtuar përballë shqiptarëve. Atë nuk mund ta besojë më asnjë qytetar.
Vendet e BE kontraktuan kompanitë për vaksinat, muaj më parë, pa zhurmë, pa shoë, por ajo që prevalonte ishte përkushtimi, përgjegjshmëria dhe detyrimi moral për t’iu gjendur pranë qytetareve që ata përfaqësojnë. Asnjëri prej tyre nuk pati nevojë të shkojë, në SHBA, të mbushë media e portale me skena të shëmtuara mashtrimi, siç bëri Edi Rama. Kosova, vetë me perkushtim e pa protagonizem, arriti të siguronte më shumë se dyfishin e vaksinave, që Edi Rama artikulon se do të përfitojë Shqipëria, të cilën për shoë deklaroi se do ta mbështeste. “I mbyturi” që për protagonizem merr përsiper të shpëtojë të tjerët, që në fakt e lanë shumë hapa pas. Megjithatë i gjithe ky shoë bosh, propagandistik me vaksinat vetem për fushatë, tregon frikën që ka kapluar Edi Ramën, për një humbje të thellë me 25 Prill.
Më kë kujton ky kryeminister se po flet, sepse duke i trajtuar në mënyrë të tillë qytetarët e këtij vendi, që perveçse i ka varfëruar, perzënë në emigracion, tashmë edhe po i fyen, dhe përpos mijëra fakteve që e vertetojnë këtë, ishte dhe shoë i shemtuar i autoambulancave, për të cilat ishte fare i pavend i gjithë ai organizim, si të ishim vend i botës së tretë, që gezonim se mbërritën disa autoambulanca, që në fakt është minimumi që duhet të bënte, pa zhurme fare që në fillim të pandemisë. Nga ana tjetër, bën show me stadiumin dhe logon “Shqiperia buzeqesh”, besoj nuk keni parë e dëgjuar të thuhet Franca buzëqesh, Italia buzëqesh, apo Gjermania buzëqesh. Në fakt ata vaksinojnë, kanë siguruar vaksinat, zinxhirin ftohes dhe të gjithë mekanizmat per te vaksinuar popullaten. Por mesa duket i vetmi që qesh, është ky që nuk bën asgjë, përveçse tallet, dhe mundohet tu hedhë hi syve shqiptarëve me propagandë e mashtrime. Procesi i vaksinimit duhet të nisë padiskutim nga sistemi shëndetësor, në çdo hallkë të tij, por duke mos lënë për asnjë moment jashtë vëmendjes dhe grupet në risk si moshat e treta apo të sëmuret kronike që janë më të riskuar ndaj Covid. Por me këtë numër të ulët vaksinash, është e pamundur të parashikosh një strategji të qartë vaksinimi.
Edi Rama, po përdor çdo mekanizëm për ta vënë në shërbim të propagandës për fushate, përfshir këtu edhe show-n me vaksinen, proces i cili do të vijojë e përfundoje kur Edi Rama të mos jetë më kryeministër, pas 25 Prill-it.
