I dërguari i SHBA-së për Ballkanin, Mathew Palmer në një bashkëbisedim me gazetarët në Prishtinë ku ndodhet për një vizitë zyrtare jep një mesazh edhe për politikën në Shqipëri.
Palmer shprehet se opozita duhet të shfrytëzojë situatën në bojkotin e parlamentit për ta avokuar dhe negociuar në mirëbesim për reformën zgjedhore që synoni.
Ai thekson se ndërkombëtarët janë të gatshëm t’a ndihmojnë opozitën në këtë ndërmarrje serioze.
“Dy fjalë edhe për opozitën e Shqiperisë që është jashtë Kuvendit.
Ju mund të luani rolin tuaj, shfrytëzojeni sepse bojkoti nuk ju solli fuqi më të madhe politike. Nuk detyroi dhe nuk mund të detyrojë zgjedhje të parakohshme.
Prandaj shfrytëzojeni mundësinë për ta avokuar dhe negociuar në mirëbesim për reformën zgjedhore që synoni.
Bashkësia ndërkombëtare është e gatshme t’ju ndihmojë në këtë ndërmarrje serioze.
Pastaj të ja prezantoni popullit tuaj të gjithë këto arritje të vërteta për të vendosur në mënyrë demokratike, përmes një procesi të drejtë zgjedhor se në çfarë drejtimi duan të shkojë Shqipëria”, është shprehur Palmer.
