Ditën e sotme, rreth 150 palestinez janë plagosur si pasojë e përleshjeve me policinë izraelite në kompleksin e xhamisë Al- Aksa në Jerusalem.
Lidhur me ngjarjen, autoritetet bëjnë me dije se kjo është përballja e parë që nga nisja e Muajit të shenjtë të Ramazanit.
Nga ana tjetër, policia izraelite ka raportuar se para agimit të së premtes dhjetëra burra të maskuar kanë marshuar në Al-Aksa duke bërtitur dhe duke ndezur fishekzjarrë para se turmat të hidhnin gurë në Murin Perëndimor.
Nga Gjysmëhëna e Kuqe palestineze është bërë me dije se dhjetëra persona të tjerë janë dërguar në spital pas përleshjeve për të marrë mjekime. Dëshmitarët kanë thënë se protestuesit palestinezë kanë hedhur gurë në drejtim të forcave izraelite të sigurisë, të cilat kanë qëlluar me plumba gome tek disa prej tyre.
Së fundmi, përleshjet e fundit do të vijnë pas tri javësh me tensione në rritje dhe dhunës vdekjeprurëse në Izrael dhe Bregun Perëndimor. Gjithashtu, Al-Aksa është vendi i tretë më i shenjtë në Islam. Ai quhet nga Hebrenjtë si Mali i Tempullit, i cili lidhet me dy tempujt që janë atje që nga antikiteti.
