Paleontologët në Argjentinë kanë zbuluar një specie të re dinozauri, ndoshta më të madhin që ka ekzistuar ndonjëherë.
Sipas liderit të ekipit të kërkuesve, shkenctarit argjentinas Bernardo Gonzalez Riga, dinozauri i ri quhet Notocolossus gonzalezparejasi. Ekipi së fundmi ka publikuar një shkrim në gazetën “raporte shkencore” për këtë zbulim shoqëruar edhe me një imazh që projekton saktësisht ekzistencën e këtij dinozauri. Ai tha se imazhet janë krijuar pas zbulimit të konckave, fosileve të këtij dinozauri, bishtit, legenin dhe një këmbë të plotë, bashkë me kycin e këmbës.
Gonzalez Riga përshkroi dimensionet e kafshës masive.
“Aktualisht po vlerësojmë peshën e tij, që bazohet në disa metoda shkencore. Ai mund të ketë peshuar rreth 60 ton, që do të thotë pak a shumë sa 13 elefantë. Ka qënë diku rreth 28-30 metra i gjatë” tha ai.
“Vetëm qafa e tij mund të ketë qënë diku 7-8 metra e gjatë” shtoi ai.
Fosilet u zbuluan në provincën jugore të Argjentinës, Mendoza, nga një ekip paleontologësh argjentinas dhe amerikanë.
“Skeleti është gjetur këtu, në provincën e Mendoza. Ne kemi punuar këtu për vite me rradhë dhe jemi ndihmuar edhe nga kolegët tanë amerikanë” tha Gonzales Riga.
Ai tha se Notocolossus ishte një krijesë vërtet trup madh dhe i rëndë.
“Kishte një strukturë gjgande dhe shumë të rëndë. kockat e tij ishin shumë të rënda” tha ai.
Argjentina ka zbuluar edhe dinozaur të tjerë vitet e fundit por Gonzalez Riga thotë se asnjë nuk krahasohet me Notocolossus.
“Ka patur raportime në lajme për dinozaurët që janë zbuluiar vitet e fundit por asnjë prej tyre nuk është si ky. Notocolossus është rreth 3 apo 4 herë më i madh se to” tha ai.
Riga shpjegon më tej se Notocolossus vjen nga një familje dinozaurësh që njihen si Titanozaurë, që kanë qënë kafshët mëmasive që kanë ekzistuar ndonjëherë. Titanozaurët janë të famshëm për masën e tyre, kanë qënë dinozaurë gjigandë, me qafë dhe bisht të gjatë. Në familjen e tyre përfshihen rreth 60 specie të ndryshme, që besohet se kanë jetuar rreth 86 milionë vjet më parë.
