Dy orë përpara protestës kombëtare të thirrur nga Partia Demokratike, zona përreth Kryeministria është blinduar nga qindra efektivë të Policisë së Shtetit.
Forca të shumta policore, të pajisura me mjete antidisturbimi dhe barriera metalike, janë pozicionuar në të gjitha akset hyrëse që çojnë drejt institucionit, ndërsa është rritur prania edhe në bulevardin “Dëshmorët e Kombit”. Burime zyrtare bëjnë me dije se masat e sigurisë janë ndërmarrë për të garantuar rendin publik dhe mbarëvajtjen e tubimit të paralajmëruar.
Sipas njoftimit të organizatorëve, protesta pritet të nisë në orët e pasdites dhe të mbledhë mbështetës nga disa qytete të vendit. Ndërkohë, policia u ka bërë thirrje qytetarëve të shmangin qarkullimin në zonën qendrore të Tiranës dhe të ndjekin udhëzimet e autoriteteve përgjegjëse.
gijotina.com/
