Një numër i lartë qytetarësh është vënë re në qendrën e konsultave pranë QSUT-së.
Ata kanë deklaruar se iu është kërkuar që të kryejnë analizat pranë spitaleve private, shërbim ky i cili duhet të ofrohet nga spitali shtetëror.
“Ambulanca më tha që duhet të bëj analizat, ndërsa tani më thonë që nuk bëhet këtu, por në privat. Po pse ta bëj në privat, kur spitali e ka këtë, pse mos e bëj këtu?” , tha një qytetare për News 24.
Disa pacientë të cilët kishin ardhur nga qytete të tjera, u shprehën se kanë pasur problematika në marrjen e rekomandimeve dhe për ta siguruar atë janë paraqitur në spital në më shumë se në një shumë se një ditë.
“Shumë vështirësi. Shko andej e këndej, jo po nuk bëhen këtu analizat, jo bëhen vend tjetër, nuk e di”, u shpreh një nga pacientet.
Kishte edhe nga ata pacientë që vlerësuan angazhimin e mjekëve në zgjidhjen e kësaj problematike. Ata u shprehën se përfituan shërbim pasi janë pjesë e grupit të rriskuar dhe i konsideruar si raste emergjence.
