Një ngjarje e rëndë ka ndodhur në një provincë të Piacenzas, ku një shqiptar ka qëlluar me armë zjarri një shtetas maroken në itali duke e lënë atë të plagosur.
Gazeta italiane “La Republica” bën me dije se i plagosuri është një 29 vjeçar, i cili është plagosur me armë zjarri në këmbën e majtë dhe është transportuar menjëherë për në spitalin Fidenza. Sipas gazetës italiane autori i krimit është një shqiptar dhe ngjarja dyshohet të këtë ndodhur për arsye xhelozie.
Menjëherë pas ngjarjes i riu është larguar me makinë bashkë me të dashurën e tij.
Policia italiane ka nisur hetimet për ngjarjen dhe ka shpallur në kërkim autorin shqiptar.
