Sot në Gjykatën e Posaçme të Apelit është duke u zhvilluar sshqyrtimi i kërkesës së SPAK për rihapjen e hetimeve ndaj Fatmir Mediut, i akuzuar për shpërthimin e gërdecit në mars të 2008-tës.
Kujtojmë se një muaj më parë shkalla e parë rrëzoi SPAK, por vendimi i GJKKO u apelua nga ana e prokurorëve që kishin në dorë çështjen. Në një vendim prej 28 faqe gjyqtari Erjon Çela rrëzoi pretendimet e SPAK që sipas tij nuk ka paraqitur asnjë provë të re dhe ka shigjetur prokurorinë ndër vite që nuk ka kryer hetime ndaj Mediut.
Shqyrtimi i kërkesës në apel është duke u zhvilluar në dhomë këshillimi pa praninë e palëve.
Vetë Mediu, i cili është pjesë e Kuvendit pasi fitoi mandatin në 25 Prill, i ka mohuar vazhdimisht akuzat për përfshirjen e tij në çështjen ‘Gërdeci’. Familjarët e 26 viktimave që humbën jetën nga shpërthimi i municioneve kanë kërkuar vazhdimisht hetimin dhe dënimin e tij.
