Vjosa Osmani është zgjedhur presidente e vendit me 71 vota pro, në roundin e tretë të votimit.
Në fjalimin e saj të gjatë ajo ka theksuar se Kosova edhe njëherë zgjodhi një presidente grua.
“Vajzat e kanë vendin vetëm aty ku ato çdo natë ëndërrojnë, aty ku ato punojnë me zell. Mos u ndalni, mos e ndalni hapin tuaj kurrë, çdo gjë është e mundur”, është shprehur Vjosa Osmani në fjalimin e saj si Presidente.
“Historia jonë është histori e përpjekjeve të përbashkëta, është histori e përkushtimit dhe sakrificës njerëzore”, shtoi presidentja.
Po ashtu, duke thënë se historia e Kosovës krahas dhimbjes “është histori e shpresës”, ajo thekson se “do tu jemi mirënjohës përjetësisht atyre që qëndruan krahë nesh, tri shtyllave në të cilat jemi mbështetur fort, Shteteve të Bashkuara të Amerikës, Bashkimit Evropian, Mbretërisë së Bashkuar dhe Shqipërisë”.
Po ashtu, ajo ftojë të gjithë politikanët të bashkëpunojnë, bashkëpunim ky që ajo uron të jetë i përhershëm.
“Sfidat janë të shumta sidomos pandemia e cila kërkon që të jemi bashkë që ta luftojmë atë, të qëndrojmë pranë njëri tjetrit, fitorja është e përbashkët dhe vetëm të bashkuar do të mund ta bëjmë të pamundurën, të mundur”, u shpreh ajo.
Osmani theksoi se kjo ditë, është dita e Kosovës, sepse duke respektuar vullnetin e qytetarëve po vuloset shembulli më i mirë dhe po ashtu “është dita kur dëshmojmë se me vendosmëri dimë t’i përballojmë sfidat”.
“Na priftë e mbara”,- përfundoi Osmani.
