Në raportin e monitorimit të Gjykatës Administrative për vitin 2015, të hartuar nga prezenca e OSBE në Tiranë, thuhet seuadri ligjor nuk ndihmon ngarkesën e punës që ka aktualisht kjo gjykatë .
Raporti i monitorimit vëren se në lidhje me kohëzgjatjen e gjykimit, gjykimi i çështjeve në gjykatat e shkallës së parë ishte arsyeshëm i shpejtë, çka tregon se rregullat e eja të gjykimit, të cilat kanë për qëllim përshpejtimin e proceseve, janë të efektshme.
Nëse seancat gjyqësore në shkallën e parë të Gjykatës Administrative zhvilloheshin në kohë të shpejtë, në raport thuhet se nuk ndodhte e njëjta gjë në shkallën e Apelit ku kishte prirje për të tejkaluar afatin 30 ditor që përcakton ligji për Gjykatën Administrative.
OSBE kërkon që të rishikohet mbulimi gjeografik i secilës gjykatës së shkallës së parë dhe të shihet mundësia për ngritjen e degëve ose gjykatave “udhëtuese“ për zonat e largëta.
“Nëse Gjykata Administrative e Apelit do të vazhdojë të funksionojë si gjykata e vetme administrative për të gjithë vendin, Prezenca rekomandon që numri i personelit të gjykatës, përfshirë gjyqtarët, ndihmësit ligjorë dhe personelin mbështetës të rritet. Në mënyrë alternative, dhe si një perspektivë më e preferuar për Prezencën, legjislativi dhe ekzekutivi në Shqipëri të vlerësojë rritjen e numrit të gjykatave administrative në vend. Duke qenë se Reforma në Drejtësi është në proces, ky mund të jetë çasti i duhur për ta marrë në konsideratë zgjidhjen e kësaj çështjeje”, thuhet në raportin e monitorimit.
