Mrekulli në Rigopiano, katër fëmijë dhe një grua nxirren të gjallë nga rrënojat e hotelit, dy ditë pasi u godit nga ortek dëbore
Mediat italiane bëjnë me dije se ata u gjetën poshtë dyshemesë. Mes të shpëtuarve është gruaja dhe dy fëmijë të kuzhinierit të hotelit që shpëtoi rastësisht mbrëmjen e tragjedisë. Fëmijët janë dërguar në spital për trajtim mjekësor. Kërkimet vijojnë edhe pse temperaturat janë disa gradë nën zero.
Deri tani 5 persona janë nxjerrë të pajetë nga hoteli. Po kërkohet për të tjerë të mbijetuar pasi besohet që në një pjesë të hotelit të mbuluar nga bora por të parëzuar të ketë të tjerë të mbijetuar nga tragjedia e të mërkurës në mbrëmje.
