U zhvilua sot në Tiranë në qendrën rinore, konferenca mbarëshqiptare e organizatave rinore me temë “Potenciali rinor dhe roli në rritje i të rinjve në vendimmarrje”, me pjesëmarrës të rinj drejtues dhe përfaqësues të organizatave rinore nga të gjitha trevat shqipfolëse.
Gjatë diskutimeve të zhvilluara theksi i fjalimeve të të rinjve nga trevat shqipfolëse u vu tek problemet e shumta të cilat prekin të rinjtë në këto treva, duke filluar nga mungesa e të drejtave dhe diskriminimi i theksuar i tyre në Luginë të Preshevës, Maqedoni, Mal të Zi.
Në fokus të bisedave ishte mungesa e njohjes së diplomave të studentëve të Luginës të cilat i shtyjnë të migrojnë në kërkim të një vëndi pune jashtë vendit, mungesa mbështetjes financiare e cila cënon integritetin e këtyre të rinjve dhe duke i mëshuar bashkëpunimit të të gjithë të rinjve aktivë shqiptarë kudo jetojnë si e vetmja mënyrë për të kanalizuar dhe dhënë zgjidhje problemeve të përbashkëta.
Në këtë konferencë gjithashtu mbajti fjalën përshendëtese drejtori i rinisë në MKRSZ. Xhevat Bajrami, i cili vlerësoi nismën e këtyre të rinjve të Qendrës së Politikave Rinore dhe organizatave të tjera rinore nga trevat shqipfolëse, duke vënë theksin tek mbështetja e vazhdueshme jo vetëm morale por dhe financiare që ka dhëënë dhe do të japi qeveria e Kosovës në drejtim të nismave dhe projekteve të të rinjve.
Në përfundim u vendos ndërtimi i grupeve të punës për ngritjen e strukturave të Kuvendit Rinor Mbarëkombëtar Shqiptar, si dhe përgatitja e një platforme me tematikat e problemet e shtruara dhe zgjidhjet përkatëse të problematikave të paraqitura.
