EcoVolis do të organizojë aktivitete në qendër të kryeqytetit
Për të dhjetin vit me radhë në mbarë botën sonte, shënohet Ora e Tokës. Si çdo vit edhe këtë 19 Mars në orën 20:30 me orën lokale, secili mund të fikë çdo pajisje elektrike jo thelbësore duke iu bashkuar solidaritetit global në mbrojtje të mjedisit. Ora e Tokës pati pikënisjen e saj në vitin 2007 në Sidnej të Australisë, kur në 2.2 milionë banesa e biznese për një orë u fikën dritat, për të tërhequr vëmendjen ndaj çështjeve alarmante të mjedisit. Nga ajo kohë iniciativa u kthye në rit të madh për ndërgjegjësim mbarëbotëror për çështjen e mjedisit dhe morri mbështetje të gjërë edhe nga Fondi Botëror për Natyrën. Këtë vit, Ora e Tokës pritet të thyejë rekordet e pjesëmarrjes. Plot 178 vende, 7000 qytete dhe qindra miliona njerëz në botë do të jenë të angazhuar në këtë kremtim. Edhe në Tiranë, organizata mjedisore EcoVolis do të organizojë një event kushtuar Orës së Tokës.
