Shtyhet për një moment të dytë diskutimi për mandatin e Prokurorit të Përgjithshëm
Pas 3 javë ndërprerje, Komisioni Parlamentar për Reformën në Drejtësi ka nisur sot punën. Partia Demokratike iu rikthye bisedimeve, pasi Kuvendi miratoi të enjten dy kërkesat e saj për zbatimin e Kushtetutës, ngritjen e komisionit hetimor për CEZ-in dhe interpretimin nga Gjykata Kushtetuese për vlefshmërinë e mandateve të dy deputetëve.
Përmbushja e këtyre kushteve rikthen opozitën jo vetëm në komisionin e drejtësisë, por edhe në komisionet e tjera parlamentare, duke i dhënë fund marrëdhënies së kushtëzuar me Parlamentin.
Mbledhja e Komisionit për Reformën në Drejtësi u zhvillua me dyer të mbyllura. Në nisje të mbledhjes ishte e parnishme edhe ambasadorja e Bashkimit Europian, Romana Vllahutin, e cila ka inkurajuar palët ta miratojnë reformën deri në verë. Burime nga mbledhaj thanë se është shtyrë për një moment të dytë diskutimi për mandatin e Prokurorit të Përgjithshëm.
Gjatë dy orëve me dyer të mbyllura, socialistët dhe demokratët kanë rënë dakord të ndryshojnë procedurat e emërimit të vëzhguesve ndërkombëtarë të procesit të vlerësimit të gjykatësve dhe prokurorëve. Ata nuk do të miratohen nga kryeministri, por nga Avokati i Popullit.
