Presidenti Hashim Thaçi i është nënshtruar një operacioni pas problemeve me veshkat.
Presidenca ka bërë të ditur se Thaci iu është nënshtruar operacionit sot pasdite e se momentalisht është nën kujdes të personelit mjekësor.
“Presidenti i Republikës së Kosovës, Hashim Thaçi, sot pasdite i është nënshtruar një intervenimi kirurgjik endourologjik në Klinikën e Urologjisë në Shërbimin Spitalor Kliniko-Universitar të Kosovës.
Sipas personelit mjekësor, operacioni ka qenë i suksesshëm dhe presidenti është nën kujdesin e vazhdueshëm të personelit mjekësor profesional”, shkruhet në njoftim.
