Ka shkuar në 20 numri i të arrestuarve në zonën e Niklës, pas operacionit të policisë të koduar “Agimi” i cili nisi në maj të vitit të shkuar.
Gjatë operacionit, në maj 2021, u arrestuan në flagrancë 16 persona, u shpallën në kërkim 24 persona dhe u proceduan në gjendje të lirë 3 të tjerë. Prej majit të vitit 2021 janë kapur 3 persona të shpallur në kërkim në kuadër të këtij operacioni.
Ndërsa ditën e sotme është bërë ekzekutimi i masës së sigurisë për një tjetër person të shpallur në kërkim, konkretisht për personin e identifikuar me iniciale: M. K., 62 vjeç, banues në Fushë Krujë, të cilit Gjykata e Shkallës së Parë Krujë, me vendimin e datës 22.06.2021 i ka caktuar masën “Arrest në burg”, për veprat penale “Kultivimi i bimëve narkotike” dhe “Vjedhja e energjisë elektrike”.
