Gjykata Penale e Tiranës do të jap sot masën e sigurisë për 87 persona në Tiranë, të cilët akuzohen për fshehje të të ardhurave, pastrim parash, përshtatje të ambienteve për lojëra fati dhe zhvillim i lojërave të fatit.
Ditën e djeshme, Gjykata penale e Tiranës, la në burg 16 nga 30 të arrestuarit e operacionit “Fati i Lojërave”, të arrestuar në rrethe të ndryshme, të cilët dolën para togave të zeza për caktimin e masës së sigurisë.
5 të arrestuar të tjerë u liruan me masën e sigurisë “arrest në shtëpi”, ndërsa për 9 të tjerë gjyqtari Ardian Kalija vendosi lirimin nga qelia me masën e sigurisë “detyrim paraqitjeje”.
