Me një operacion të beftë, Policia e Durrësit dhe Komisariati i Shijakut kanë arritur të zbulojnë një bazë të shpërndarjes së heroinës në Shijak.
Nga operacioni i koduar “Mbrëmja”, policia arriti të sekuestrojë rreth 500 gr heroinë dhe pajisjet që përpunimit, por, nuk ka mundur të arrestojë personin që e kishte, të cilin e ka identifikuar si B.K.dhe e ka shpallur në kërkim.
Drejtoria Vendore e Policisë Durrës me Komisariatin e Policisë Shijak, njoftuan se në bazë të informacioneve të siguruara në rrugë operative se një shtetas dispononte një sasi lënde narkotike të llojit heroinë, kanë organizuar dhe zhvilluar operacionin antidrogë të koduar “Mbrëmja”.
Gjatë kontrollit të ushtruar në banesën e shtetasit B.K. në Shijak u gjetën dhe u sekuestruan në cilësinë e provave materiale: 447.5 gramë lëndë narkotike e dyshuar e llojit heroinë; një peshore mekanike dhe një peshore elektronike; një thikë me gjatësi 27 cm dhe 124 copë fishekë model 56.
Shtetasi B.K, pronari i banesës, nuk ndodhej në banesë në momentin e kontrollit dhe është shpallur në kërkim ku vijon puna për kapjen e tij Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale ” Prodhimi dhe shitja e narkotikëve”, “Prodhimi dhe mbajtja pa leje e armëve luftarake dhe e municionit” dhe”Prodhimi dhe mbajtja pa leje e armëve të ftohta” parashikuar në nenet 283/1, 278/4 dhe 279 të Kodit Penal.
