Nga sot nis punën QKB, Qendrës Kombëtare e Biznesit
Duke nisur nga sot QKR dhe QKL shkrihen në një sportel të vetëm, në Qendrën Kombëtare e Biznesit e cila nis ofrimin e shërbimeve. Biznesi do të gjejë kështu në një sportel të vetëm shërbimin për regjistrimin, lejet dhe licencat. Ngritja e QKB-së në këtë fazë kupton më së shumti bashkimin administrativ, ndërsa nuk do të flitet për reduktim të ljeve apo licencave, të paktën jo në këtë fazë. Në krye të këtij insitucioni është vënë ish-drejtoresha e përgjithshme e QKR-së Vasilika Vjero. Puna për krijimin e kësaj qendre të vetme ka nisur që në vitin 2014, ndërsa parashikohet që në tërësi reforma për përmirësimin e klimës së të bërit biznes në Shqipëri të përfundojë plotësisht në vitin 2017. Me nisjen e funksionimit të kësaj qendre do të reduktohen në ndjeshëm vizitat fizike të biznesit. Qeveria parashikon që QKB-ja të mbështetet thellësisht në shërbimin elektronik.
