Deputetja e Partisë Socialiste Olta Xhaçka, ka dalë në selinë rozë për të kundërshtuar tezën e Ben Blushit për garimin e tij si kryetar i PS-së përballë Edi Ramës.
Xhaçka, ashtu edhe si disa deputetë të tjerë, mbrojti idenë se PS-ja nuk ka përse të bëjë zgjedhje për kryetar ngaqë Rama ka fituar votëbesimin me dy palë zgjedhje.
“Rasti më i mirë për t’u përmendur është ai i laburistëve, ku Tony Blair qeverisi vendin për thuajse 11 vjet, dhe një debat i tillë në partinë e tyre nuk ndodhi kurrë. Padiskutim që Kongresi duhet ta interpretojë statutin, do të ketë një votëbesim të kryetarit dhe ky është një moment shumë i rëndësishëm. Por që ky debat të marrë kaq shumë rëndësi apo vëmendje në një moment kur argumentet për ekonominë dhe reformat duhet të jenë pro dhe në mbështetje të qeverisë, ky debat nuk duhet të marrë kaq rëndësi sa sot. Besoj që është i papërshtatshëm, në kushtet kur ‘Po’ ne jemi pro respektimit të statutit, jemi pro respektimit të parimit të kolegjialitetit, të demokracisë brenda Partisë Socialiste”, tha Xhaçka. Edi Rama ka intensifikuar lëvizjet duke nxjerrë nga dy deputetë në ditë për të kundërshtuar Blushin, i cili ende nuk ka marrë një përkrahje nga ndonjë deputet i PS-së.
/27.al/
